Առողջությանը ծանր վնաս պատճառելու մեղադրանքով հետախուզվող տղամարդը հայտնաբերվել է սահմանային անցակետում
1 րոպեի ընթերցում
Համայնքային ոստիկանության Բազումի բաժնի ծառայողների ձեռնարկած օպերատիվ-հետախուզական միջոցառումների շնորհիվ, Քրեական ոստիկանության Լոռու մարզային վարչության գործընկերների հետ համագործակցությամբ, նոյեմբերի 21-ին` ժամը 21.57-ին, «Բագրատաշեն» սահմանային անցակետում հայտնաբերվել է Վանաձոր քաղաքի բնակիչ 45-ամյա տղամարդը:
«Արմենպրես»-ի փոխանցմամբ՝ այս մասին հայտնում են ՀՀ ՆԳՆ Ոստիկանությունից՝ նշելով, որ նոյեմբերի 13-ից նա հետախուզվում էր մի խումբ անձանց առողջությանը ծանր վնաս պատճառելու և ֆիզիկական ներգործության մեղադրանքով, խափանման միջոցը՝ կալանք։