Ձևավորվում է ԲՏԱ նախարարին կից հասարակական խորհրդի նոր կազմ

Հայաստանի Հանրապետության բարձր տեխնոլոգիաների և արդյունաբերության նախարարությունը հայտարարում է նախարարին կից հասարակական խորհրդի ձևավորման մրցույթ։ 

«Արմենպրես»–ի փոխանցմամբ՝ մրցույթի հայտարարության մեջ ընդգծվում է, որ հասարակական խորհրդի նպատակն է ստեղծել ներառական որոշումների ընդունմանը նպաստող միջավայր։

«ԲՏԱ նախարարությունը, մշտապես կարևորելով հասարակական կարծիքը և քաղաքացիական հասարակության դերակատարումը ոլորտային բարեփոխումների գործընթացներում, հայտարարում է նախարարին կից հասարակական խորհրդի ձևավորման մրցույթ:

Հասարակական խորհրդի նպատակն է նախարարության խնդիրների և նպատակների իրականացման մեջ ապահովել քաղաքացիական հասարակության մասնակցությունը, ստեղծել ներառական որոշումների ընդունմանը նպաստող միջավայր, խրախուսել մասնակցային կառավարումը և ներգրավել շահառուներին քաղաքականության մշակման գործընթացում»,– ասված է հայտարարությունում։ 

Հայտերն անհրաժեշտ է ներկայացնել մինչև դեկտեմբերի 11-ը՝ ժամը 18:00-ն, publiccouncil@hti.am էլեկտրոնային հասցեին՝ թեմա բաժնում նշելով «Հասարակական խորհուրդ»։

Հարցերի դեպքում զանգել՝ 010-59-00-04:

Մանրամասների և հայտը լրացնելու համար անցնել հղումով: