1 րոպեի ընթերցում
Կառավարության 2025 թվականի հունիսի 26-ի որոշման համաձայն` 2025 թվականի նոյեմբերի 20-ից մինչև 2026 թվականի փետրվարի 1-ը Սևանա լճում խստիվ արգելվում է սիգի արդյունագործական որսը։
«Արմենպրես»-ի փոխանցմամբ՝ այս մասին իրազեկող տեսանյութ և հաղորդագրություն է տարածել ՀՀ շրջակա միջավայրի նախարարությունը։
«Այս որոշումը ռազմավարական քայլ է Սևանի կենսաբազմազանությունը երաշխավորելու համար։ Այն ուղղված է հիմնականում սիգի բնական վերարտադրությանն աջակցելուն՝ դրանով իսկ ապահովելով լճի ձկնային պաշարների կայուն և արդյունավետ վերականգնումը»,- ընդգծված է գերատեսչության պարզաբանման մեջ։
Որսի կանոնները խախտելու, ինչպես նաև ապօրինի որսի դեպքում նախատեսվում է օրենքով սահմանված խիստ վարչական ու քրեական պատասխանատվություն:
Նոյեմբերի 20-ից հետո Սևանա լճում հայտնաբերված նավակների և որսի միջոցների համար կկիրառվեն օրենքով սահմանված պատասխանատվության միջոցներ։