Իսրայելական ուժերը թիրախավորել են Լիբանանի հարավային շրջանները

2 րոպեի ընթերցում

Իսրայելական ուժերը կրակ են բացել Լիբանանի հարավային սահմանամերձ շրջանների վրա։ «Արմենպրես»-ի փոխանցմամբ՝ այս մասին հայտնում է Լիբանանի Ազգային լրատվական գործակալությունը (NNA)։

Իսրայելական ռազմական ինքնաթիռները ավիահարված են հասցրել Լիբանանի հարավում գտնվող Այտարուն բնակավայրի Խանուկ շրջանին, ինչպես նաև հարվածել են Լիբանանի հարավում գտնվող Տար Ֆալսայ բնակավայրին։

Նաբատիեի և հարակից բնակավայերի ուղղությամբ նոյեմբերի 13-ի գիշերվա ընթացքում նկատվել է իսրայելական անօդաչու թռչող սարքերի ինտենսիվ ակտիվություն։

Լիբանանի խորհրդարանի խոսնակ Նաբիհ Բերրին դատապարտել է Իսրայելի ռազմական սադրանքները: «Հարավային Լիբանանում հրադադարի մոնիթորինգի կոմիտեն, որը գլխավորում են Միացյալ Նահանգները և Ֆրանսիան, պետք է ստիպի Իսրայելին դադարեցնել ռազմական գործողությունները և պահպանել 2024 թվականի նոյեմբերի 27-ի հրադադարի համաձայնագիրը», - ասել է նա՝ հավելելով, որ Իսրայելի հարձակումները սպառնալիք են ներկայացնում քաղաքացիական բնակչության համար և խոչընդոտում են վերակառուցման ջանքերի մեկնարկը պատերազմից տուժած տարածքներում:

Լիբանանի առողջապահության նախարարության տվյալներով՝ չնայած «Հեզբոլլահ»-ի և Իսրայելի միջև 2024 թ. նոյեմբերի 27-ին կնքված հրադադարի համաձայնագրին, դրա կնքումից մինչ օրս Լիբանանում Իսրայելի կողմից օդային, ցամաքային և ծովային խախտումների ընդհանուր թիվը կազմել է 5163։ Հարձակումների հետևանքով զոհվել է 309 և վիրվավորվել՝ ևս 598 քաղաքացի։

Իսրայելական բանակը շարունակում է իր ենթակայության տակ պահել վերջին պատերազմի ժամանակ գրաված լիբանանյան հինգ կարևոր բլուրները։ 

Հայերեն Русский

ԱԺ-ն օրակարգ չի ընդգրկել ժողովրդավարության վիճակի վերաբերյալ ընդդիմության հայտարարության նախագիծը

Ռուսաստանը ենթարկվել է 1441 ԱԹՍ-ի զանգվածային հարձակման, 800-ը՝ Մոսկվայի ուղղությամբ

Արարատ Միրզոյանը Բրյուսելում հանդիպել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցչի հետ

Գյումրիի բժշկական կենտրոնի տնօրենի պաշտոնակատար է նշանակվել Դավիթ Գևորգյանը

Ֆոն դեր Լայենը բարձր է գնահատել Քիշնևի առաջընթացը ԵՄ-ին անդամակցելու ճանապարհին՝ չնայած գործադրվող ճնշումներին. Moldpres

Երիտասարդ ամուսինները լեռներում հյուրատուն են հիմնել

Թափառող շների հարձակումների կանխարգելումը պահանջում է հրատապ և համակարգային լուծում՝ կենդանիների նկատմամբ մարդասիրական վերաբերմունքի հաշվառմամբ․ ՄԻՊ

ԱՄՆ-ն թույլ չի տա, որ Իրանի դեմ պատերազմը ձգձգվի տարիներ. Վենս

Արարատ Միրզոյանը հանդիպել է Ռումինիայի արտաքին գործերի նախարարի հետ

Ախուրիկում կառուցվում է նոր երիտասարդական կենտրոն