ՀՀ ԲՏԱ նախարարի տեղակալն ընդունել է JICA գործակալության ներկայացուցիչներին

2 րոպեի ընթերցում

Հայաստանի բարձր տեխնոլոգիական արդյունաբերության նախարարի տեղակալ Ռուբեն Սիմոնյանն ընդունել է Ճապոնիայի միջազգային համագործակցության գործակալության (JICA) վրաստանյան գրասենյակի ծրագրերի ձևավորման խորհրդական Կոբուն Սակուրադայի գլխավորած պատվիրակությանը։

«Արմենպրես»-ի փոխանցմամբ՝ ԲՏԱ նախարարությունից հայտնում են, որ հանդիպման ընթացքում կայացել է JICA-ի կողմից իրականացվող «Հայաստանում բարձր տեխնոլոգիական արդյունաբերության ոլորտում գործարար համագործակցության ամրապնդման ծրագրի» համակարգող կոմիտեի (JCC) երկրորդ համատեղ նիստը։

Իր խոսքում նախարարի տեղակալն ընդգծել է ծրագրի կարևորությունը՝ Հայաստանի և Ճապոնիայի ոլորտային ընկերությունների միջև գործարար կապերի խորացման և նոր համագործակցության հնարավորությունների ձևավորման տեսանկյունից։

Ծրագրի թիմի ղեկավար Շոսեյ Յամամոտոն ներկայացրել է նախաձեռնության նպատակները, հիմնական արդյունքներն ու մեկնարկից ի վեր գրանցված առաջընթացը։ Նրա խոսքով՝ ծրագիրը կայուն զարգացում է արձանագրել, և ընթացիկ փուլում իրականացվում են մի շարք նոր նախաձեռնություններ, որոնք միտված են ծրագրի արդյունավետության բարձրացմանը։

Քննարկվել են նաև առաջիկա քայլերը, մասնավորապես, ծրագրի նպատակային և կատարողական ցուցիչների (KGI և KPI) վերջնական մշակման գործընթացը։ Երկուստեք հստակեցրել են ցուցիչների հաշվարկի և մոնիթորինգի հետ կապված մի շարք մանրամասներ։

Հանդիպման ավարտին կողմերը բարձր են գնահատել ծրագրի ռազմավարական նշանակությունը՝ որպես երկու երկրների բարձր տեխնոլոգիական ոլորտների համագործակցությունը զարգացնող հարթակ՝ ընդգծելով շարունակական գործընկերության և փորձի փոխանակման կարևորությունը։

Հայերեն English Français Русский Türkçe

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը

Իրանի դեմ պատերազմը ԱՄՆ-ի համար արժեցել է 48 միլիարդ դոլար

Մի խոչընդոտեք սահմանադրական հանրաքվեի անցկացմանը. Ռուբինյանը հորդորով դիմեց ընդդիմությանը

ԱՄՆ Ազգային անվտանգության գործակալության գաղտնի ցանցն արդեն երրորդ օրն է՝ չի աշխատում. NBC News

Թրամփը համաձայն է Զելենսկու հետ, որ Ուկրաինայի մասին որոշումներն՝ առանց երկրի մասնակցության, անթույլատրելի են