Tesla-ի բաժնետերերը հաստատել են Իլոն Մասկի աշխատավարձային փաթեթը՝ 1 տրիլիոն դոլարի չափով

2 րոպեի ընթերցում

Tesla-ի ղեկավար Իլոն Մասկը ստացել է ռեկորդային աշխատավարձային փաթեթ, որը կարող է արժենալ գրեթե 1 տրիլիոն դոլար։ Սա հաստատվել է ընկերության բաժնետերերի կողմից։ «Արմենպրես»-ի փոխանցմամբ՝ այս մասին հաղորդում է BBC-ն։ 

Աննախադեպ առաջարկը հաստատվել է ձայների 75%-ով՝ ընկերության տարեկան ընդհանուր ժողովի ժամանակ։ 

Մասկը, որ արդեն իսկ աշխարհի ամենահարուստ մարդն է, պետք է առաջիկա 10 տարվա ընթացքում մեծապես բարձրացնի էլեկտրամեքենաների արտադրությամբ զբաղվող ընկերության շուկայական արժեքը։ Եթե նա կարողանա դա անել և հասնի առաջադրված տարբեր նպատակներին, ապա նա կպարգևատրվի հարյուր միլիոնավոր նոր բաժնետոմսերով։

Հնարավոր վճարման մասշտաբները քննադատության առարկա են դարձել, սակայն Tesla-ի տնօրենների խորհուրդը դա բացատրել է նրանով, որ փաթեթի չհաստատման դեպքում Մասկը կարող է հեռանալ ընկերությունից, իսկ ընկերությունը չի կարող իրեն թույլ տալ կորցնել Մասկին։ 

Աշխատավարձային փաթեթի հաստատումից հետո Մասկը բեմ է բարձրացել և հայտարարել է, որ այժմ Tesla-ի ապագայի համար սկսվելու է «ոչ միայն նոր գլուխ, այլև մի ամբողջ նոր գիրք»։

Իր վարձատրությունը մեծացնելու համար Մասկը պետք է հաջորդ տասնամյակում հասնի որոշ նվաճումների, այդ թվում՝ Tesla-ի շուկայական արժեքը հասցնի 8,5 տրիլիոն դոլարի ներկայիս 1,4 տրիլիոն դոլարից։ Նա նաև պետք է առևտրային շահագործման մեջ դնի մեկ միլիոն ինքնագնաց Robotaxi մեքենաներ։

Հայերեն

Հայկ Մարտիրոսյանը «Total Chess»-ի հերթական խաղում հաղթել է հնդիկ գրոսմայստեր Արջուն Էրիգաիսին

Երեք գերտերությունների մոտ համատեղ գործելու ձգտում կա, սակայն դժվարություններն էլ շատ են․ Գարիկ Քեռյան

Ուիթքոֆն արդյունավետ է որակել Բեռլինում եվրոպացիների հետ բանակցություններն Ուկրաինայի հարցով

Ազգային ժողովի նիստ. ՈՒՂԻՂ

Երևանի քաղաքապետարանը սկսում է համագործակցություն SatisfAI-ի հետ. քաղաքային ծառայություններում կներդրվի արհեստական բանականություն

Նարեկ Մկրտչյանը Դոնալդ Թրամփի Մար-ա-Լագոյի առանձնատանը մասնակցել է Վետերանների ազգային օրվան նվիրված միջոցառմանը

Օլիմպիական վարկանիշային մրցաշարին Հայաստանից կմասնակցի 3 ծանրորդ

ՊԵԿ-ը որոշ ապրանքատեսակների համար իրականացնում է նույնականացման միջոցներով դրոշմավորման փորձնական ծրագիր

Զելենսկին Բեռլինում քննարկումներ է անցկացրել ԱՄՆ նախագահի բանագնացների հետ

Չինաստանի և ՌԴ-ի հետ միջուկային սպառազինությունների սահմանափակման շուրջ համաձայնության հասնելը դժվար կլինի. Թրամփ