Հյուսիսային Կորեան մոտ 10 հրթիռ է արձակել Պենտագոնի ղեկավարի սահմանային այցի ժամանակ. Yonhap
1 րոպեի ընթերցում
Հյուսիսային Կորեայի զինված ուժերը համազարկային կրակի ռեակտիվ համակարգերից շուրջ 10 հրթիռ են արձակել Դեղին ծովի ուղղությամբ՝ Հարավային Կորեայի և Հյուսիսային Կորեայի սահմանի ապառազմականացված գոտի Պենտագոնի ղեկավար Փիթ Հեգսեթի ժամանելուց մոտավորապես մեկ ժամ առաջ: «Արմենպրես»-ի փոխանցմամբ՝ այս մասին հաղորդում է Yonhap գործակալությունը՝ վկայակոչելով հարավկորեացի զինվորականներին:
Նոյեմբերի 3-ին Կորեայի Հանրապետության և Միացյալ Նահանգների պաշտպանության նախարարները 2017 թվականից ի վեր առաջին անգամ միասին այցելել են ապառազմականացված գոտի: Հրթիռի արձակումը գրանցվել է տեղական ժամանակով մոտավորապես ժամը 16:00-ին։
Սեուլում նաև նշել են, որ Հյուսիսային Կորեայի զինված ուժերը նոյեմբերի 1-ին տեղական ժամանակով մոտավորապես ժամը 15:00-ին մոտ 10 հրթիռ են արձակել, երբ Հարավային Կորեայի Գյոնջու քաղաքում տեղի էր ունենում Կորեայի Հանրապետության և Չինաստանի գագաթնաժողովը: Հարավային Կորեայի ղեկավարի վարչակազմում հանդիպումից առաջ նշել էին, որ Կորեական թերակղզու միջուկազերծումը կարող է երկու երկրների ղեկավարների քննարկման առարկա դառնալ: