Պետությունը ԼՂ-ից բռնի տեղահանված անձանց կարիքների համար 2026 թվականին կհատկացնի 55 մլրդ դրամ
1 րոպեի ընթերցում
Հայաստանի կառավարությունը հաջորդ տարի 55 մլրդ դրամ կհատկացնի Լեռնային Ղարաբաղից բռնի տեղահանված անձանց բնակապահովման և այլ կարիքների լուծման համար:
«Արմենպրես»-ի հաղորդմամբ՝այս մասին ասաց ՀՀ վարչապետ Նիկոլ Փաշինյանը «ՀՀ 2026 թվականի պետական բյուջեի մասին» օրենքի նախագծի քննարկման ժամանակ ունեցած ելույթում:
«55 մլրդ դրամ տրամադրվելու է Ղարաբաղի մեր քույրերի ու եղբայրների բնակապահովման ու այլ կարիքների, խնդիրների հասցեագրման համար»,-ասաց Փաշինյանը:
2023 թվականին Լեռնային Ղարաբաղի դեմ ադրբեջանական ռազմական ագրեսիայի հետևանքով Լեռնային Ղարաբաղից շուրջ 120 հազար հայ տեղափոխվել են Հայաստան։ Հայաստանի կառավարությունը նրանց սոցիալական խնդիրները լուծելու համար իրականացնում է բնակապահովման, նրանց աշխատանքով ապահովելու և տարբեր այլ ծրագրեր։