1 րոպեի ընթերցում
Պետական եկամուտների կոմիտեն կեղծված նույնականացման համարներով մեծ քանակի մեքենաների ներմուծման դեպք է բացահայտել:
«Արմենպրես»-ի մամուլի սրահում այս մասին հայտնեց Պետական եկամուտների կոմիտեի նախագահ Էդուարդ Հակոբյանը:
«Վերջերս մեծ բացահայտում ենք արել՝ մոտ 1-1.5 մլրդ դրամի թաքցված հարկեր, որի մասին հաղորդում ենք ներկայացրել։ Խոսքը մեծ քանակով մեքենաների ներմուծման մասին է, որոնք կեղծված նույնականացման համարներով են եղել»,- ասաց Հակոբյանը:
Էդուարդ Հակոբյանը նշեց՝ կոռուպցիայի դեմ պայքարի միջոցառումների շրջանակում կոմիտեում 2025 թվականի հունվար-սեպտեմբեր ամիսներին իրականացվել է 71 ծառայողական քննություն, որից 59-ը ավարտվել է կարգապահական պատասխանատվության կիրառմամբ, ինչը 64 տոկոսով ավելի է անցած տարվա ցուցանիշից: Տարվա սկզբից մոտ 23 հաղորդում էլ ներկայացվել է առերևույթ հանցագործությունների վերաբերյալ: