368.59
Չինաստանի ԱԳ նախարարը Մակրոնի խորհրդականի հետ քննարկել է իրադրությունն Ուկրաինայում և Մերձավոր Արևելքում
1 րոպեի ընթերցում
Չինաստանի արտաքին գործերի նախարար Վան Ին Ֆրանսիայի նախագահի դիվանագիտական խորհրդական Էմանուել Բոնի հետ քննարկել է ուկրաինական ճգնաժամը և Մերձավոր Արևելքի հակամարտությունների հարցը: Ինչպես հաղորդում է «Արմենպրես»-ը, այս մասին հայտնում է Չինաստանի արտգործնախարարությունը։
Հանդիպումը տեղի է ունեցել չին-ֆրանսիական 27-րդ ռազմավարական երկխոսության ընթացքում, որը կայացել է հոկտեմբերի 15-ին Չինաստանի արևելյան Հանչժոու քաղաքում։ «Կողմերը մտքերի են փոխանակել փոխադարձ հետաքրքրություն ներկայացնող հարցերի շուրջ, ներառյալ Ուկրաինայի ճգնաժամը, Մերձավոր Արևելքի իրադրությունը, համաշխարհային կառավարման համակարգի բարեփոխման և կատարելագործման հարցերը», - ասվում է ԱԳՆ հայտարարության մեջ։
Նշվում է, որ երկու երկրների դիվանագետները պայմանավորվել են ամրապնդել փոխադարձ վստահությունը և ընդլայնել միջպետական համագործակցությունը «ներկայիս անորոշ և անկայուն միջազգային իրադրության պայմաններում»:
Բաժանորդագրվեք մեր ալիքին Telegram-ում