1 րոպեի ընթերցում
Աֆղանստանի թալիբների կառավարությունը հայտարարել է, որ հարվածներ է հասցրել Պակիստանի զինված ուժերին երկրի հյուսիսային սահմանին գտնվող մի քանի լեռնային շրջաններում։
«Արմենպրես»-ի հաղորդմամբ՝ ինչպես փոխանցում է BBC-ն, թալիբները հարձակումները անվանել են պատասխան գործողություն Պակիստանի կողմից Աֆղանստանի օդային տարածքը խախտելու և երկրի տարածքում գտնվող շուկան ռմբակոծելու համար։
Պակիստանի ներքին գործերի նախարար Մոհսին Նաքվին աֆղանական հարձակումները անվանել է անհիմն և մեղադրել քաղաքացիական անձանց թիրախավորելու մեջ։ Նա զգուշացրել է, որ Պակիստանի ուժերը կպատասխանեն աֆղանական հարվածներին։
Իսլամաբադը մեղադրում է Քաբուլին Պակիստանի տարածքում հարձակումներ իրականացնող ահաբեկիչներին ապաստան տալու մեջ։ Թալիբները հերքում են այս մեղադրանքները։
Ըստ աղբյուրի՝ երկու կողմերն էլ օգտագործել են փոքր տրամաչափի զենքեր և հրետանային կրակ Պակիստանի Կուրրամ շրջանում։