Ֆուտբոլի երիտասարդական հավաքականը երրորդ անընդմեջ պարտությունը կրեց

Հայաստանի ֆուտբոլի երիտասարդական հավաքականը շարունակում է պարտությունների շարքը ընտրական փուլի շրջանակներում:

«Արմենպրես»-ի հաղորդմամբ` ՈՒԵՖԱ Եվրոպայի առաջնության որակավորման փուլի երրորդ տուրում երիտասարդական հավաքականն արտագնա խաղում մրցեց Հյուսիսային Մակեդոնիայի ընտրանու հետ ու հերթական պարտությունը կրեց` զիջելով 2:1 հաշվով: Ազգային թիմը երկրորդ գնդակը բաց թողեց հավաքականի դարպասապահի սխալի պատճառով: 

Այս ընտրական փուլի շրջանակներում Արմեն Գյուլբուդաղյանցի թիմը երրորդ պարտությունը կրեց և, ընդհանուր առմամբ, երեք խաղում բաց է թողել 9 գնդակ: 

Հաջորդ հանդիպումը Մ21 տարեկանների թիմը կանցկանցի հոկտեմբերի 14-ին` մրցելով Իտալիայի հետ: