1 րոպեի ընթերցում
Միչիգանի նահանգում առնվազն չորս է մարդ զոհվել մորմոնների եկեղեցում տեղի ունեցած հրաձգության հետևանքով։ «Արմենպրես»-ի փոխանցմամբ, այս մասին հայտնել է Գրանդ Բլանկ քաղաքի ոստիկանապետ Ուիլյամ Ռեյնին։
Ավելի վաղ հաղորդվել էր երկու զոհվածների մասին։ «Մենք ևս երկու մարմին ենք գտել եկեղեցում, այդպիսով զոհերի թիվն այժմ հասել է չորսի», - ասել է նա մամուլի ասուլիսում, որը հեռարձակվել է ամերիկյան հեռուստաալիքներով։
Ռեյնին հավելել է, որ հանցագործը՝ 40-ամյա Թոմաս Ջեյքոբ Սանֆորդը, սպանվել է իրավապահ մարմինների կողմից հրաձգության սկսվելուց ութ րոպե անց։
ԱՄՆ նախագահ Դոնալդ Թրամփը հրաձգությունը որակել է որպես նպատակային հարձակում Միացյալ Նահանգներում քրիստոնյաների վրա: