Պուտինը հանդիպել է ԱԷՄԳ ղեկավարի հետ

2 րոպեի ընթերցում

Ռուսաստանի և Ատոմային էներգիայի միջազգային գործակալության (ԱԷՄԳ) միջև համագործակցությունը հաստատվել է գործնականում բոլոր ոլորտներում, այդ թվում՝ գլոբալ միջուկային անվտանգության ոլորտում։

«Արմենպրես»-ի փոխանցմամբ՝ այս մասին հայտարարել է Ռուսաստանի նախագահ Վլադիմիր Պուտինը ԱԷՄԳ-ի գլխավոր տնօրեն Ռաֆայել Գրոսիի հետ Կրեմլում կայացած հանդիպման ժամանակ։

«Համագործակցություն է հաստատվել գործնականում բոլոր ոլորտներում, այդ թվում՝ ռուսական էներգետիկայի զարգացման, Ռուսաստանից դուրս նախագծերին Ռուսաստանի մասնակցության և այլ հարցերի, առաջին հերթին՝ համաշխարհային միջուկային անվտանգության հարցում», - ասել է Պուտինը։

Կրեմլի փոխանցմամբ՝ Պուտինն ընդգծել է, որ Ռուսաստանը փորձում է օգնություն տրամադրել ԱԷՄԳ-ին կարևոր խնդիրների լուծման գործում։ 

«Ցանկանում եմ շնորհակալություն հայտնել այս կառուցողական փոխգործակցության համար և վստահեցնել, որ կանենք մեզնից կախված ամեն ինչ ձեր աշխատանքին աջակցելու համար», - ասել է Պուտինը։

Պուտինը նաև շնորհակալություն է հայտնել Գրոսիին Մոսկվա կատարած այցի և Գլոբալ ատոմային ֆորումին մասնակցելու համար։

Իր հերթին Ռաֆայել Գրոսին նշել է, որ շատ երկրներ հետաքրքված են «Ռոսատոմ»-ի հետ համագործակցությամբ։

«Ռուսաստանն առաջատար դեր է խաղում շատ երկրներում, և շատ երկրներ հետաքրքրված են «Ռոսատոմ»-ի հետ համագործակցությամբ, մենք դա տեսնում ենք այսօր. դրանք Ասիայի և Աֆրիկայի երկրներն են։ Սա իսկապես կարևոր պահ է, և Գործակալության ներկայությունը նույնպես կարևոր է նման նախագծերին աջակցելու և դրանք կառուցողական ձևով իրականացնելու համար», - նշել է նա։

Գրոսին ընդգծել է Ռուսաստանի հետ միջուկային անվտանգության և միջուկային զենքի չտարածման վերաբերյալ հարցերի քննարկման կարևորությունը։ 

Պուտինի և Գրոսիի հանդիպմանը մասնակցել է նաև «Ռոսատոմ»-ի ղեկավար Ալեքսեյ Լիխաչովը։ 

Հայերեն English Español Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել