1 րոպեի ընթերցում
Սիրիան և Ուկրաինան վերականգնել են դիվանագիտական հարաբերությունները, որոնք նախկինում խզվել էին Կիևի նախաձեռնությամբ:
Ինչպես հաղորդում է «Արմենպրես»-ը, այդ մասին հայտարարել է Ուկրաինայի արտաքին գործերի նախարարությունը:
Գերատեսչության Telegram ալիքում հրապարակված տեղեկատվության համաձայն՝ դիվանագիտական հարաբերությունների հաստատման մասին կոմյունիկեն Նյու Յորքում ՄԱԿ-ի Գլխավոր ասամբլեայի նստաշրջանի շրջանակներում ստորագրել են երկու երկրների արտգործնախարարները՝ Ուկրաինայի նախագահ Վոլոդիմիր Զելենսկու և Արաբական Հանրապետության անցումային շրջանի նախագահ Ահմեդ ալ Շարաայի ներկայությամբ:
Ուկրաինայի արտաքին գործերի նախարարությունը հիշեցրել է, որ Կիևը խզել էր դիվանագիտական հարաբերությունները Սիրիայի հետ 2022 թվականին՝ Դամասկոսի կողմից Լուգանսկի ու Դոնեցկի անկախությունը ճանաչելու որոշման պատճառով։