ՏՏ ոլորտի աջակցության ծրագրերով այս տարվա առաջին եռամսյակում տրամադրվել է ավելի քան 2 միլիարդ դրամ

2 րոպեի ընթերցում

Բարձր տեխնոլոգիաների արդյունաբերության նախարարի տեղակալ Ռուբեն Սիմոնյանը «State&Tech bridge» միջոցառման ընթացքում ներկայացրեց ոլորտի աջակցության ծրագրերի ընթացիկ արդյունքները։

«Արմենպրես»-ի հաղորդմամբ՝ Սիմոնյանը նշեց, որ նախարարությունը այժմ գտնվում է բարձր տեխնոլոգիական արդյունաբերության ռազմավարության մշակման ամենակարևոր փուլում՝ շուկայի ուսումնասիրության և վերլուծության փուլում։ 

«Ձեր կարիքը մենք շատ ունենք, և ձեր կարծիքը շատ կարևոր է մեզ համար։ Մենք ուղարկում ենք բազմաթիվ հարցումներ մասնավոր ընկերություններին, և խնդրում եմ ըմբռնմամբ մոտենալ այդ գործընթացին, որովհետև դրանք մեր ռազմավարության մշակման համար առանցքային են»,- ասաց նա։ 

Սիմոնյանը հիշեցրեց, որ այս տարվա հունվարի 1-ից ուժի մեջ են մտել երկու օրենքներ՝ բարձր տեխնոլոգիական ոլորտի աջակցության մասին և հարկային օրենսգրքում փոփոխությունների փաթեթը, որոնք վերաբերում են հատկապես հետազոտության և զարգացման (R&D) ծրագրերին։ 

«Օրենքի մասով ունենք երեք հիմնական բաղադրիչ՝ նոր աշխատակիցներ, աշխատանքային միգրանտներ և վերապատրաստում։ Առաջին եռամսյակի ամփոփման արդյունքում ստացվել է 463 հայտ, որոնցից բավարարվել է 206 ընկերության դիմում։ Ընդհանուր տրամադրված գումարը կազմել է 2 միլիարդ 65 միլիոն դրամ»,-նշեց Սիմոնյանը։

Նա հավելեց, որ արդեն ընթացքի մեջ է երկրորդ եռամսյակի ամփոփումը, որը կավարտվի մինչև հոկտեմբերի 31-ը։ Այսպիսով, ՏՏ ոլորտի բոլոր ընկերությունները, որոնք նոր աշխատակիցներ են ընդունել կամ համապատասխանում են ծրագրի մյուս պարամետրերին, կստանան իրենց հասանելիք աջակցությունը։  

Հայերեն Русский

Վրաստանում նոյեմբերի 22-ը սգո օր է հայտարարվել՝ գազի պայթյունի հետևանքով մարդկանց զոհվելու կապակցությամբ

Իրանը հերքել է քիմիական և կենսաբանական զենքի մշակման վերաբերյալ ԱՄՆ-ի մեղադրանքները

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026