Սերդար Քըլըչը ջերմ ընդունելության համար շնորհակալություն է հայտնել Ռուբեն Ռուբինյանին

Հայաստան-Թուրքիա հարաբերությունների կարգավորման գործընթացում Թուրքիայի հատուկ ներկայացուցիչ Սերդար Քըլըչը, որը սեպտեմբերի 12-ին Հայաստան էր ժամանել,  շնորհակալություն է հայտնել Հայաստանի հատուկ ներկայացուցիչ Ռուբեն Ռուբինյանին ջերմ ընդունելության համար։ 

«Արմենպրես»-ի փոխանցմամբ՝ Քըլըչն այդ մասին գրել է X-ի իր միկրոբլոգում։ 

«Շնորհակալ եմ ջերմ ընդունելության համար։ Ուրախ էի նորից հանդիպելու համար»,- գրել է Քըլըչը։ 

Thank you for the warm welcome. Glad to meet again. @RubenRubinyan https://t.co/VnAmA6ARMD

— Serdar KILIÇ (@serdarkilic9) September 12, 2025

Ավելի վաղ «Արմենպրես»-ը հայտնել էր, որ Սերդար Քըլըչը ժամանել է Հայաստան։ Նրան Հայաստան-Թուրքիա սահմանի «Մարգարա» անցակետի մոտ դիմավորել էր Հայաստան-Թուրքիա հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանը։