Ֆրանսիան դատապարտել է Երուսաղեմում տեղի ունեցած հարձակումը

Ֆրանսիան դատապարտել է Արևելյան Երուսաղեմում տեղի ունեցած հարձակումը, որը մի քանի զոհի և վիրավորի պատճառ է դարձել։ «Արմենպրես»-ի փոխանցմամբ՝ այս մասին Մակրոնը գրառում է կատարել X սոցիալական հարթակի իր էջում։ 

«Ֆրանսիան խստորեն դատապարտում է Արևելյան Երուսաղեմում տեղի ունեցած ահաբեկչական հարձակումը։ Ես իմ խորին ցավակցությունն եմ հայտնում զոհվածների ընտանիքներին և ամբողջ Իսրայելի ժողովրդին։ Բռնության պարույրը պետք է ավարտվի։ Միայն քաղաքական լուծումը տարածաշրջանում բոլորի համար կվերականգնի խաղաղությունն ու կայունությունը», - նշել է նա գրառման մեջ։

France strongly condemns the terrorist attack that has just occurred in East Jerusalem.

I extend my deepest condolences to the families of the victims and to the entire Israeli people.

The spiral of violence must come to an end. Only a political solution will bring back peace…

— Emmanuel Macron (@EmmanuelMacron) September 8, 2025

Իսրայելում Միացյալ Թագավորության և Եվրոպական Միության դեսպանները ևս դատապարտել են սեպտեմբերի 8-ի առավոտյան Երուսաղեմում պաղեստինցի զինյալների իրականացրած հարձակումը։

Երուսաղեմի Ռամոթ խաչմերուկում երկու պաղեստինցիներ կրակ էին բացել մեքենաների և հետիոտների վրա, ինչի հետևանքով զոհվել է 6, վիրավորվել՝ 12 մարդ, որոնցից վեցը ծանր վիճակում են։