Իսրայելն ԱԹՍ-ներից նռնակներ է նետել Լիբանանում խաղաղապահների անձնակազմի մոտ. ՄԱԿ

2 րոպեի ընթերցում

Իսրայելի զինվորականներն անօդաչու թռչող սարքերից չորս նռնակ են նետել Լիբանանում՝ անմիջապես ՄԱԿ-ի ժամանակավոր ուժերի (UNIFIL) անձնակազմի մոտ: «Արմենպրես»-ի փոխանցմամբ՝ այս մասին սեպտեմբերի 3-ին հաղորդել է UNIFIL-ի մամուլի ծառայությունը։

«Երեկ առավոտյան Իսրայելի պաշտպանության բանակը (ԻՊԲ) անօդաչու թռչող սարքերից չորս նռնակ է նետել UNIFIL-ի խաղաղապահների մոտ, որոնք աշխատում էին ճանապարհային արգելապատնեշները վերացնելու վրա, որոնք սահմանափակում էին խաղաղապահների մուտքը դեպի «Կապույտ գծի» (իսրայելալիբանանյան սահման) մոտ գտնվող իրենց դիրք։ Սա UNIFIL-ի անձնակազմի և միջոցների դեմ ուղղված ամենալուրջ հարձակումներից մեկն է անցյալ տարվա նոյեմբերին ռազմական գործողությունների դադարեցման մասին համաձայնագրի կնքումից ի վեր», - ասվում է հայտարարության մեջ։

Նռնակներից մեկը նետվել է ՄԱԿ-ի խաղաղապահներից և նրանց տրանսպորտային միջոցներից մինչև 20 մետր հեռավորության վրա, իսկ մյուս երեքը՝ մոտավորապես 100 մետր հեռավորության վրա։ Այնուհետև ԱԹՍ-ները վերադարձել են «Կապույտ գծից» հարավ։ 

Ըստ հայտարարության՝ ԻՊԲ-ն նախապես տեղեկացված է եղել, որ տվյալ հատվածում աշխատանքներ են իրականացվելու։ 

Անցյալ շաբաթ ՄԱԿ-ի Անվտանգության խորհուրդը UNIFIL-ի մանդատը երկարաձգել է մինչև 2026 թ. դեկտեմբերի 31-ը, որից հետո սկսվելու է թվաքանակի կրճատումը և անձնակազմի դուրսբերումը։

ՄԱԿ-ի ժամանակավոր ուժերը Լիբանանում ստեղծվել են 1978 թվականին՝ Լիբանանի հարավային շրջաններից իսրայելական զինվորականների դուրսբերումը հսկելու համար։ Այնուհետև նրանց առաքելությունն ընդլայնվել է 2006 թվականին՝ Իսրայելի և «Հեզբոլլահ»-ի միջև ռազմական հակամարտությունից հետո։

Հայերեն English Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն