Վեց եվրոպական պետությունների ԱԳ նախարարները դատապարտել են Գազա քաղաքում մշտական ներկայության մասին Իսրայելի որոշումը
1 րոպեի ընթերցում
Իսլանդիայի, Իռլանդիայի, Լյուքսեմբուրգի, Նորվեգիայի, Սլովենիայի և Իսպանիայի արտաքին գործերի նախարարները համատեղ հայտարարությամբ խստորեն դատապարտել են Իսրայելի որոշումը՝ Գազա քաղաքում մշտական ներկայություն հաստատելու վերաբերյալ։ Ինչպես տեղեկացնում է «Արմենպրես»-ը, ԱԳՆ-ների տարածած համատեղ հայտարարության մեջ նշվում է, որ եվրոպացի նախարարները դատապարտում են նաև Գազայի հատվածի վրա Իսրայելի վերջին հարձակումը։
«Իսլանդիայի, Իռլանդիայի, Լյուքսեմբուրգի, Նորվեգիայի, Սլովենիայի և Իսպանիայի արտաքին գործերի նախարարները խստորեն դատապարտում են Գազայի հատվածի վրա Իսրայելի վերջին հարձակումը և Գազա քաղաքում մշտական ներկայության մասին նրա որոշումը», – ասված է փաստաթղթում։
Եվրոպացի նախարարների գնահատմամբ՝ ռազմական գործողությունների ակտիվացումը վտանգի տակ է դնում ՀԱՄԱՍ-ի կողմից պահվող գերիների կյանքը և կարող է հանգեցնել անմեղ պաղեստինցի քաղաքացիական անձանց, այդ թվում՝ կանանց, երեխաների և տարեցների մահվան։