368.59
ԿԳՄՍ նախարարը տնօրեններին հորդորել է առաջիկա միջոցառումները կազմակերպել դպրոցների ներսում՝ պայմանավորված բարձր ջերմաստիճանով
1 րոպեի ընթերցում
Կրթության, գիտության, մշակույթի և սպորտի նախարար Ժաննա Անդրեասյանը Երևանի հանրակրթական դպրոցների տնօրենների ու վարչատնտեսական համակարգողների մասնակցությամբ տեղի ունեցած քննարկման ժամանակ հորդորել է սեպտեմբերի առաջին օրերին միջոցառումները կազմակերպել շենքերի ներսում՝ պայմանավորված շոգ եղանակով և սպասվող բարձր ջերմաստիճանով:
«Խնդրում եմ միջոցառումները պլանավորել շենքերի ներսում. քանի դեռ բարձր ջերմաստիճանը պահպանվում է, ցանկալի չէ ունենալ ֆիզկուլտուրայի բացօթյա դասեր, այս ամբողջ գործընթացը կազմակերպեք դպրոցների ներսում»,- «Արմենպրես»-ի փոխանցմամբ՝ ընդգծել է ԿԳՄՍ նախարարը։
Խորհրդակցության ընթացքում նշվել է նաև, որ Երևանի քաղաքապետարանի առաջարկությամբ մայրաքաղաքի հանրակրթական դպրոցներում առաջին հերթի դասերը կմեկնարկեն առավոտյան 08:15-ին. նպատակը մայրաքաղաքի տրանսպորտային ծանրաբեռնվածությունը թեթևացնելն է՝ հաշվի առնելով նաև ուսումնական գործընթացի արդյունավետ կազմակերպումը:
Բաժանորդագրվեք մեր ալիքին Telegram-ում