1 րոպեի ընթերցում
Երևանի քաղաքապետ Տիգրան Ավինյանը օգոստոսի 28–ին երեխաների հետ այցելել է «Կենդանիների խնամքի կենտրոն», որտեղ բնակվում է շուրջ 100 շուն:
«Արմենպրես»-ի փոխանցմամբ՝ Ավինյանն այս մասին հայտնել է «Ֆեյսբուք»–ի իր էջում:
«Նման հանդիպումներն ու քննարկումները հնարավորություն են տալիս երեխաներին սովորել հոգ տանել կենդանիների ու շրջակա միջավայրի մասին՝ դառնալով ավելի ուշադիր և պատասխանատու քաղաքացիներ»,–գրել է Ավինյանը:
Քաղաքապետը տեղեկացրել է՝ բոլոր նրանք, որոնք ևս ցանկանում են այցելել կենտրոն և խաղալ ու խնամել կենդանիներին, կարող են զանգահարել 1-05 հեռախոսահամարին և գրանցվել:
«Մեր կենդանիները սպասում են ձեզ»,–հավելել է քաղաքապետը: