Հայաստանի և Կիպրոսի ԱԳ նախարարները հեռախոսազրույց են անցկացրել

Հայաստանի Հանրապետության արտաքին գործերի նախարար Արարատ Միրզոյանը հեռախոսազրույց է ունեցել Կիպրոսի ԱԳ նախարար Կոնստանտինոս Կոմբոսի հետ։

«Արմենպրես»-ի փոխանցմամբ՝ այս մասին հայտնում են Արտաքին գործերի նախարարությունից՝ ներկայացնելով հեռախոսազրույցի մանրամասները։

Նշվում է, որ հեռախոսազրույցի ընթացքում զրուցակիցներն անդրադարձ են կատարել տարածաշրջանային հարցերի: 

«Նախարար Միրզոյանը, շնորհակալություն հայտնելով Կիպրոսի կողմից արտահայտված աջակցող դիրքորոշման համար, ներկայացրել է Վաշինգտոնում Հայաստանի և Ադրբեջանի միջև հարաբերությունների կարգավորման գործընթացում ձեռքբերված հիմնական պայմանավորվածությունները»,-նշել է ԱԳ նախարարությունը։ 

Գերատեսչության տարածած հաղորդագրության համաձայն՝ Հայաստանի և Կիպրոսի ԱԳ նախարարները մտքեր են փոխանակել ՀՀ-ԵՄ գործընկերության խորացման շուրջ՝ հաշվի առնելով մյուս տարվա առաջին կեսին ԵՄ խորհրդում Կիպրոսի նախագահությունը: 

Հաղորդվում է, որ Արարատ Միրզոյանն ու Կինստատինոս Կոմբոսն անդրադարձ են կատարել նաև երկկողմ  օրակարգին: