1 րոպեի ընթերցում
Իրանը աջակցում է հարևան երկրների միջև խաղաղությանն ու կայունությանը, սակայն նաև հատուկ ուշադրություն է դարձնում տարածաշրջանային աշխարհաքաղաքական կայունության և իր ազգային շահերի պահպանմանը։ «Արմենպրես»-ի հաղորդմամբ՝ ինչպես տեղեկացնում մ է IRNA–ն՝ այս մասին հայտարարել է Իրանի արտաքին գործերի նախարար Աբբաս Արաղչին:
«Օգոստոսի 13–ին ընդունեցի Հայաստանի արտաքին գործերի փոխնախարարին և Ռուսաստանի արտաքին գործերի նախարարության՝ Կովկասի հարցերով հատուկ ներկայացուցչին: Քննարկել ենք միջազգային հարցեր՝ կենտրոնանալով Կովկասի տարածաշրջանի քաղաքական զարգացումների վրա», - նշել է Արաղչին:
Նա տեղեկացրել է՝ գործընկերներին վերահաստատել է, որ չնայած Իրանի Իսլամական Հանրապետությունը աջակցում է հարևան երկրների միջև խաղաղության և կայունության հաստատմանը, նաև հատուկ ուշադրություն է դարձնում տարածաշրջանային աշխարհաքաղաքական կայունության և իր ազգային շահերի պահպանմանը։
Արաղչին հավելել է, որ Իրանը հատկապես զգայուն է ցանկացած ծրագրի կամ նախագծի նկատմամբ, որը կարող է սահմանափակել իր տրանսպորտային հասանելիությունը կամ իր շահերը։