1 րոպեի ընթերցում
Այս օրերին Սևան համայնքում իրականացվող սուբվենցիոն ծրագրերին զուգահեռ հարթեցման ու բարեկարգման աշխատանքներ են իրականացվում այն տարածքներում, որոնք դեռևս ներառված չեն հիմնանորոգման ծրագրերում:
Ինչպես «Արմենպրես»-ին տեղեկացրին Սևանի համայնքապետարանի աշխատակազմից, քաղաքի և բնակավայրերի մի շարք թաղամասերում և Մհեր Մկրտչյան, Աշոտ Տեր-Գրիգորյան, Րաֆֆի, Րաֆֆի-Պարոնյան խաչմերուկ, Պարոնյան, Մ. Մաշտոց, Քըրք Քըրքորյան, Տիգրան Մեծ, Շառլ Ազնավուր փողոցներում, Ամառանոցային 2-րդ նրբանցքում իրականացվում են բարեկարգման և հարթեցման աշխատանքներ՝ երկրորդային հումք հանդիսացող ասֆալտբետոնե ծածկույթի շերտի տեղադրմամբ:
Խնդրին միջանկյալ լուծում տալու նպատակով Սևան համայնքը դիմել է ՀՀ Գեղարքունիքի մարզպետի աշխատակազմ, ներկայացրել պահանջարկ, որի արդյունքում էլ Մ-4 միջպետական նշանակության ավտոճանապարհի 51-60 կմ նորոգման արդյունքում ֆրեզված ասֆալտբետոնե խառնուրդից 3000 խմ տրամադրվել է համայնքին:
Բարեկարգման և հարթեցման աշխատանքներ են իրականացվում նաև Սևան համայնքի մյուս բնակավայրերում: