Չեխական ընկերությունները հետաքրքրված են ՀՀ ծրագրերին մասնակցելու և ներդրումներ կատարելու հնարավորություններով
1 րոպեի ընթերցում
ՀՀ տարածքային կառավարման և ենթակառուցվածքների նախարարի տեղակալ Վարդան Կոստանյանն ընդունել է Հայաստանում Չեխիայի Հանրապետության արտակարգ և լիազոր դեսպան Պետր Պիրունչիկին։
«Արմենպրես»-ի փոխանցմամբ՝ այս մասին հայտնում են ՏԿԵՆ-ից:
Հանդիպման ընթացքում շեշտվել է Կոտայքի և Գեղարքունիքի մարզերի կոշտ կենցաղային թափոնների կառավարման ծրագրի մեկնարկի կարևորությունը։
Անդրադարձ է կատարվել նաև «Հայաստանի Հանրապետության 8 մարզերում աղբահանության և կոշտ թափոնների կառավարման ինտեգրված համակարգի ներդրում» ծրագրին և դրա շրջանակներում հնարավոր համագործակցության հետ կապված հարցերին։
Դեսպանը կարևորել է երկու երկրների միջև ձևավորված սերտ գործընկերային հարաբերությունները՝ նշելով, որ չեխական ընկերությունները հետաքրքրված են հայաստանյան ծրագրերին մասնակցելու և ներդրումներ կատարելու հնարավորություններով։
Հանդիպման ընթացքում քննարկվել են այլ ոլորտային հարցեր ևս։