368.59
Փաշինյանը ԱՄՆ-ում քննարկել է անհետ կորած, գերեվարված ու անազատության մեջ գտնվող հայերի հարցը
2 րոպեի ընթերցում
Հայաստանի վարչապետ Նիկոլ Փաշինյանը հավաստիացնում է, որ ԱՄՆ կատարած այցի շրջանակում քննարկումներ են տեղի ունեցել նաև հումանիտար հարցերի հետ կապված։
«Մեր փաստաթղթերում դա արտահայտված չէ, բայց ուզում եմ իմանաք, որ շատ էական ու կարևոր խոսակցություններ են տեղի ունեցել նաև հումանիտար հարցերի հետ կապված։ Ինչպես նախկինում ասել եմ՝ մենք ոչ մի խոսակցության ժամանակ չենք շրջանցում անհետ կորած մեր հայրենակիցների հարցը, գերեվարված և անազատության մեջ գտնվող մեր հայրենակիցների հարցը»,- «Արմենպրես»-ի փոխանցմամբ, լրագրողների հետ զրույցում ասաց վարչապետը։
Նա ընդգծեց, որ տարիներ առաջ արդեն որդեգրել է մոտեցում, որ նման հարցերով այլևս երբեք նախապես որևէ հայտարարություն չի անում՝ հաշվի առնելով հարցի զգայունությունը և առկա նրբությունները։ Նա հիշեցրեց 2023 թվականի դեկտեմբերին Ադրբեջանից հայ գերիների վերադարձի դեպքը՝ նշելով, որ այդ ժամանակ էլ մինչև վերջին պահը որևէ հայտարարություն չի արվել, քանի որ կարող էին լինել հանգամանքներ, որոնք իրենց ազդեցությունը կթողնեին գործընթացի վրա։
«Այդ հարցում ամենաշահագրգիռ ձևով, ամենաբարձր մակարդակում անդրադարձ ունեցել ենք և հետևողական ենք լինելու այս խնդիրների լուծման համար»,- թեմայի վերաբերյալ եզրափակեց իր խոսքը Փաշինյանը։
Բաժանորդագրվեք մեր ալիքին Telegram-ում