Գերմանիայում երկաթուղային երթևեկությունը խափանվել է մալուխային թունելում բռնկված հրդեհի հետևանքով
1 րոպեի ընթերցում
Գերմանիայի արևմտյան Դույսբուրգ քաղաքում երկաթուղային երթևեկության զգալի խափանումներ են եղել մալուխային թունելում բռնկված հրդեհից հետո, որը, իշխանությունների կարծիքով սաբոտաժ է եղել: «Արմենպրես»-ի փոխանցմամբ՝ ինչպես հայտնում է Reuters-ը՝ այս մասին տեղեկացրել է ոստիկանությունը:
Քննիչները բացառել են պատահականությունը և հայտնել, որ պետական անվտանգության բաժինը հետաքննում է միջադեպը բոլոր ուղղություններով։ Վիրավորների մասին տեղեկություններ չկան։
Ըստ որոշ լրատվամիջոցների՝ թունելում, ենթադրաբար, տեղադրված է եղել բռնկում առաջացնող սարք, որը վնասել է մոտ 60 մետր մալուխ, որը պետք է փոխարինվի: