368.05
Հայաստանի դեսպանն իր հավատարմագրերն է հանձնել Կոլումբիայի նախագահին
1 րոպեի ընթերցում
Կոլումբիայի Հանրապետությունում Հայաստանի Հանրապետության արտակարգ և լիազոր դեսպան Արմեն Եգանյանը (նստավայրը` Բրազիլիա) հուլիսի 23-ին Բոգոտայի Նարինյո պալատում իր հավատարմագրերն է հանձնել Կոլումբիայի նախագահ Գուստավո Պետրոյին` դառնալով այդ երկրում երբևէ հավտարմագրված ՀՀ առաջին դեսպանը:
«Արմենպրես»-ի հաղորդմամբ՝ այս մասին նշված է ՀՀ ԱԳ նախարարության տարածած հաղորդագրության մեջ։
Նշվում է, որ պաշտոնական արարողությանը հաջորդած կարճ զրույցի ընթացքում Արմեն Եգանյանը նախագահ Պետրոյին է փոխանցել ՀՀ նախագահ Վահագն Խաչատուրյանի ողջույնի խոսքերը:
Հաղորդվում է, որ նույն օրը Կոլումբիայի արտաքին գործերի նախարարությունում դեսպան Եգանյանն իր հավատարմագրերի պատճենն է հանձնել ԱԳ նախարար Ռոզա Յոլանդա Վիլյավիսենսիոյին:
ԱԳՆ-ի փոխանցմամբ՝ հանդիպման ընթացքում զրուցակիցները անդրադարձել են Հայաստանի և Կոլումբիայի միջև երկկողմ օրակարգին:
Բաժանորդագրվեք մեր ալիքին Telegram-ում