1 րոպեի ընթերցում
Երևանի քաղաքապետ Տիգրան Ավինյանը կիսում է մայրաքաղաքի բնակիչների դժգոհությունները՝ կապված ջրամատակարարման խնդիրների հետ։
«Արմենպրես»-ի թղթակցի հաղորդմամբ՝ Երևանում Շառլ Ազնավուրի արձանի բացման արարողությունից հետո Տիգրան Ավինյանը լրագրողների հետ ճեպազրույցում հայտնեց, որ փոխվարչապետի գրասենյակում արդեն զբաղվում են խնդրի լուծմամբ։
«Ես միանշանակ համաձայն եմ բոլոր երևանցիների դժգոհության և մտահոգության հետ։ Իհարկե, «Վեոլիա ջուր» ընկերությունը, մեր Ջրային կոմիտեի գործընկերներն ունեն հիմնավորումներ և բացատրություններ, բայց, կարծում եմ, մեզ արդեն իսկ պետք են լուծումներ։ Գիտեմ, որ կառավարությունը, փոխվարչապետի գրասենյակը զբաղվում է այդ հարցով։ Ես հուսով եմ, որ այդ լուծումները օր առաջ կհասունանան և կիրականացվեն, որովհետև իրավիճակը գնալով ավելի ու ավելի է սրվում»,-նշեց Ավինյանը։