1 րոպեի ընթերցում
Գեղարքունիքի մարզի Գավառ համայնքի Բերդկունք գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում հիմնանորոգվել է Մայրուղու փողոցի 2-րդ նրբանցքը։
Ինչպես «Արմենպրես»-ին տեղեկացրին Գավառի համայնքապետարանի աշխատակազմից, Բերդկունքի Մայրուղու փողոցի 2-րդ նրբանցքի հիմնանորոգման ծրագրի պայմանագրային արժեքը կազմում է 31 միլիոն 800 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Գավառի համայնքապետարանը։ Ծրագրով նախատեսված է Բերդկունքի Մայրուղու փողոցի 2-րդ փողոցի ասֆալտապատում՝ 500 մետր երկարությամբ և 2000 քմ մակերեսով։
Շինարարական աշխատանքները, որոնք իրականացրել է «Գավառի ՃՇՇ» ԲԲԸ-ն, արդեն գտնվում են ավարտական փուլում։
Մարյուղու փողոցի 2-րդ նրբանցքի հիմնանորոգված ճանապարհը տանում է դեպի Բերդկունքի նորակառույց մանկապարտեզի շենք, որի շահագործումը նախատեսված է 2025 թվականին։