360.07
Հակակոռուպցիոն կոմիտեն Հայկ Սարգսյանի նկատմամբ քրեական վարույթ է նախաձեռնել և այն փոխանցել Քննչական կոմիտե
1 րոպեի ընթերցում
Հայաստանի Հակակոռուպցիոն կոմիտեն Ազգային ժողովի «Քաղաքացիական պայմանագիր» խմբակցության նախկին պատգամավոր Հայկ Սարգսյանի նկատմամբ քրեական վարույթ է նախաձեռնել և այն փոխանցել Քննչական կոմիտե։
«Արմենպրես»-ի հաղորդմամբ՝ այս մասին Ազգային ժողովում լրագրողների հետ ճեպազրույցում հայտնել է Քննչական կոմիտեի նախագահ Արթուր Պողոսյանը։
«Քրեական վարույթը նոր ենք ստացել Հակակոռուպցիոն կոմիտեից։ Այս պահին կատարվում են անհետաձգելի քննչական գործողություններ։ Այս պահին չեմ մտաբերի, թե ինչ հոդվածով է քրեական վարույթ նախաձեռնվել, միայն գիտեմ, որ կոռուպցիայի հետ է կապված»,- ասել է Արթուր Պողոսյանը։
Հիշեցնենք, որ հոկտեմբերի 6-ին «Քաղաքացիական պայմանագիր» կուսակցության վարչությունը Հայկ Սարգսյանին կուսակցությունից հեռացնելու որոշում էր կայացրել։
Կարդացեք հոդվածը` Русский
Բաժանորդագրվեք մեր ալիքին Telegram-ում