Ոստիկանության Լոռու և Շիրակի մարզային վարչություններում կադրային փոփոխություններ են կատարվել
1 րոպեի ընթերցում
Ներքին գործերի նախարարի հրամաններով ՆԳՆ ոստիկանության համակարգում տեղի են ունեցել կադրային մի շարք փոփոխություններ։ Այս մասին «Արմենպրես»-ին տեղեկացրին ՀՀ ներքին գործերի նախարարությունից։
Մասնավորապես՝ ՆԳՆ ոստիկանության քրեական ոստիկանության գլխավոր վարչության Լոռու մարզային վարչության պետ, ոստիկանության գնդապետ Խորեն Բախոյանն ազատվել է պաշտոնից։
ՆԳՆ ոստիկանության քրեական ոստիկանության Լոռու մարզային վարչության պետ է նշանակվել ոստիկանության գնդապետ Արսեն Ոսկանյանը, որը մեկ այլ հրամանով ազատվել է Քրեական ոստիկանության գլխավոր վարչության Շիրակի մարզային վարչության պետի պաշտոնից։
ՆԳ նախարարի մեկ այլ հրամանով՝ ոստիկանության փոխգնդապետ Արամ Չթչյանը նշանակվել է ՀՀ ներքին գործերի նախարարության ոստիկանության համայնքային ոստիկանության Ստեփանավանի բաժնի պետ՝ ազատվելով նույն վարչության Տաշիրի բաժնի պետի պաշտոնից։ Ոստիկանության փոխգնդապետ Գևորգ Պալյանը նշանակվել է ՆԳ նախարարության համայնքային ոստիկանության գլխավոր վարչության Տաշիրի բաժնի պետ՝ ազատվելով նույն վարչության Ստեփանավանի բաժնի պետի պաշտոնից։