368.54
Քննչական կոմիտեն քննության առարկա կդարձնի ենթադրաբար ՌԴ-ից հարկադրանքով Հայաստան տեղափոխվող մարդկանց անուններով ցուցակը
1 րոպեի ընթերցում
Հայաստանի քննչական կոմիտեն հայտնում է, որ քննության առարկա կդառնա լրատվամիջոցներից մեկում հրապարակված ցուցակը, որում, ենթադրաբար, Ռուսաստանից հարկադրաբար Հայաստան տեղափոխված քաղաքացիների անուններ են, որոնք պետք է մասնակցեն Հայաստանում կայանալիք խորհրդարանական ընտրություններին։
«Արմենպրես»-ին այս մասին հայտնեցին ՀՀ քննչական կոմիտեից։
«Լրատվական կայքերից մեկում հրապարակված՝ ՌԴ-ից հարկադրաբար Հայաստան բերվող քաղաքացիների ցուցակի վերաբերյալ հայտնում ենք, որ ՀՀ քաղաքացիների նկատմամբ գործադրվող ճնշումների և սպասվող ընտրական գործընթացներին միջամտության մասին ԱՀԾ-ի հայտարարության վերաբերյալ նախաձեռնված քրեական վարույթի շրջանակում կդառնա քննության առարկա»,- նշեցին ՀՀ քննչական կոմիտեից:
Հունիսի 6-ին Civic-ը ցուցակ է հրապարակել՝ նշելով, որ դրանում ՌԴ Իրկուտսկի մարզից հարկադրաբար Հայաստան բերվող քաղաքացիների անուններ են։
Բաժանորդագրվեք մեր ալիքին Telegram-ում