2 րոպեի ընթերցում
Հայ Առաքելական եկեղեցու Շիրակի թեմի առաջնորդարանում իրավապահներն ավարտել են քննչական գործողությունները։
Այս մասին հաղորդում է Գյումրիում «Արմենպրես»-ի թղթակիցը։
Քիչ առաջ իրավապահները հեռացել են առաջնորդարանից, ինչից հետո տեղում հավաքվածները կարողացել են մտնել առաջնորդարան։
«Արմենպրես»-ի թղթակիցը նշում է, որ իրավապահներն առաջնորդարանից իրենց հետ ոչինչ չեն տարել։
Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի փաստաբան Թամարա Յանջոյանը լրագրողների հետ զրույցում ապօրինի է որակել իրավապահների գործողությունները՝ նշելով, որ իրեն թույլ չեն տվել ներս մտնել և մասնակցել քննչական գործողություններին նույնիսկ այն դեպքում, երբ ինքը ցույց է տվել փաստաթղթերը և հիմնավորել, որ ինքը Միքայել արքեպիսկսպոս Աջապահյանի փաստաբանն է։
Ավելի վաղ տեղեկացրել էինք, որ իրավապահները վաղ առավոտից քննչական գործողություններ էին սկսել Հայ Առաքելական եկեղեցու Շիրակի թեմի առաջնորդարանում։
ՀՀ Դատախազությունը հունիսի 26-ին հայտնել էր, որ քրեական վարույթ է նախաձեռնվել Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի այն հայտարարության առնչությամբ, թե Հայաստանում պետք է ռազմական հեղաշրջում արվի։