1 րոպեի ընթերցում
ՆԱՏՕ-ի բոլոր երկրները համաձայնել են պաշտպանական ծախսերի համար ՀՆԱ-ի 5%-ի չափով նշաձող սահմանելու որոշմանը: «Արմենպրես»-ի փոխանցմամբ՝ այդ մասին հայտարարել է Լեհաստանի պաշտպանության նախարար և փոխվարչապետ Վլադիսլավ Կոսինյակ Կամիշը։
«Մեծ պատմական իրադարձություն է, կա դրական որոշում սպառազինության, արդիականացման, վերափոխման, ռազմական շարժունակության և դաշինքի անվտանգության, մեր երկրների անվտանգության հետ կապված բոլորի հարցերի համար ծախսերի 5%-ի վերաբերյալ: Չկա ոչ մի երկիր, որը դեմ հանդես գար», - ասել է Կոսինյակ Կամիշը, որի խոսքը մեջբերում է Լեհաստանի պաշտպանության նախարարության մամուլի ծառայությունը։
Նա նշել է, որ քննարկումներից հետո, որոնք տեղի են ունեցել պաշտպանության նախարարների, արտաքին գործերի նախարարների միջև, կարծիքների փոխանակումից և միմյանց համոզելուց հետո համաձայնություն է ձեռք բերվել պաշտպանական ծախսերը 5%-ի հասցնելու վերաբերյալ։