384.23
Հայաստանի դիրքորոշումները հնարավորություն ունենք ամբողջական ներկայացնել Թուրքիայի գործընկերներին. վարչապետ
2 րոպեի ընթերցում
Վարչապետ Նիկոլ Փաշինյանը Թուրքիայում հայ համայնքի ներկայացուցիչների հետ հանդիպմանը խոսել է Հայաստան-Թուրքիա հարաբերությունների ներկա վիճակի, շփումների բնույթի և այցի նպատակների մասին։
«Ի տարբերություն նախորդող շրջանի՝ հիմա Թուրքիայի հետ մեր շփումները շատ ինտենսիվ են», – «Արմենպրես»-ի հաղորդմամբ՝ նշել է վարչապետը՝ ընդգծելով, որ տարածաշրջանային և միջազգային զարգացումները ներկայումս իրենց ծավալով շատ ավելի մեծ են։
Վարչապետի խոսքով՝ այս փուլում առավել կարևոր է, որ Հայաստանը կարողանա իր պաշտոնական դիրքորոշումները և դրանց նրբությունները ամբողջական ներկայացնել Թուրքիայի գործընկերներին։
«Կարծում եմ՝ այս այցը մեզ համար լավ հնարավորություն է, որպեսզի Հայաստանի Հանրապետության դիրքորոշումները, դիրքորոշումների նրբությունները, առանձնահատկությունները և լուծումների վերաբերյալ պատկերացումները հնարավորություն ունենանք ամբողջական ներկայացնել Թուրքիայի մեր գործընկերներին»,– ասել է Փաշինյանը։
Վարչապետն ընդգծել է, որ նման շփումները կարևոր ազդեցություն կարող են ունենալ հետագա իրադարձությունների վրա՝ նոր խթան հաղորդելով Հայաստան-Թուրքիա հարաբերությունների զարգացմանը։
Վարչապետ Նիկոլ Փաշինյանը հուլիսի 20-ին աշխատանքային այցով գտնվել է Թուրքիայում:
Նիկոլ Փաշինյանը հանդիպում է ունեցել տեղի հայ համայնքի ներկայացուցիչների հետ:
Երեկոյան կայացել էր վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը:
Բաժանորդագրվեք մեր ալիքին Telegram-ում