1 րոպեի ընթերցում
ՄԱԿ-ը մշակում է միջոցներ Իրանից փախստականների հնարավոր հոսքի դեպքում՝ իսլամական հանրապետության և Իսրայելի միջև հակամարտության պատճառով: «Արմենպրես»-ի փոխանցմամբ՝ այդ մասին հայտնել է ՄԱԿ-ի փախստականների հարցերով գերագույն հանձնակատար Ֆիլիպո Գրանդին Գերմանիայի DPA գործակալությանը տված հարցազրույցում:
«Մենք մշակում ենք ճգնաժամային ծրագրեր, - ասել է նա: - Մենք առայժմ դրանք չենք հրապարակել, քանի որ բավարար տեղեկատվություն չունենք և սպասում ենք, թե ինչպես կզարգանան իրադարձությունները: Բայց ամեն դեպքում մենք զբաղվում ենք ծրագրերով», - նշել է Գրանդին:
Նրա խոսքով՝ արդեն իսկ կան չհաստատված տվյալներ Իրանից Հայաստան, Ադրբեջան և Թուրքմենստան փախստականների ժամանման մասին: Միևնույն ժամանակ առայժմ ոչ մի երկիր օգնության չի դիմել ՄԱԿ-ի Փախստականների հարցերով գերագույն հանձնակատարի գրասենյակ, նշել է Գրանդին