1 րոպեի ընթերցում
Հայաստանի վարչապետ Նիկոլ Փաշինյանը պաշտոնապես հաստատել է, որ հունիսի 20-ին այցելելու է Թուրքիա։
«Արմենպրես»-ի հաղորդմամբ՝ այս մասին վարչապետն ասել է Ազգային ժողովում լրագրողների հետ ճեպազրույցի ընթացքում։
«Այո, այդպիսի պլան կա։ Այցի օրակարգի վերաբերյալ կլինի համատեղ հայտարարություն։ Կարող եմ ասել, որ, այո, այցը նախատեսված է, և դրա վերաբերյալ ուղղակի պայմանավորվածությունները չխախտելու համար այս պահին կասեմ այն, ինչ արդեն հայտնի է»,-նշել է վարչապետը։
ՀՀ վարչապետի՝ Թուրքիա կատարելիք այցի մասին տեղեկությունները նախօրեին հաստատել էր նաև ԱԺ նախագահ Ալեն Սիմոնյանը։ ԱԺ նախագահն ասել էր, որ վարչապետը Թուրքիա է այցելելու այդ երկրի նախագահ Ռեջեփ Թայիփ Էրդողանի հրավերով։