384.12
ԵՄ արտաքին գործերի նախարարները համաձայնեցրել են դիրքորոշումն Իրանի հարցի շուրջ
1 րոպեի ընթերցում
ԵՄ արտաքին գործերի նախարարներն արտակարգ տեսակոնֆերանսի ընթացքում համաձայնեցրել են այն դիրքորոշումը, որ Իրանը չպետք է միջուկային զենք ունենա, և Իրանի ու Իսրայելի միջև լարվածության թուլացման կոչ են արել։
«Արմենպրես»-ի փոխանցմամբ՝ այս մասին X-ում հայտնել է ԵՄ դիվանագիտական ծառայության ղեկավար Կայա Կալասը՝ տարածելով տեսակոնֆերանսին հաջորդող մամուլի ասուլիսի տեսանյութը։
«Մենք բոլորս համաձայն ենք, որ Իրանը երբեք չպետք է միջուկային զենք ունենա: Շատ կարևոր է ապաէսկալացնել իրավիճակը։ ԵՄ-ն պետք է իր դերակատարումն ունենա դիվանագիտական ջանքերում», - հայտարարել է նա:
Կալասը հաստատել է, որ ԵՄ արտաքին գործերի նախարարությունների ղեկավարները համաձայնության են եկել նաև աշխատել նավթի շուկայի կայունությանն աջակցելու ուղղությամբ և զբաղվում են հակամարտության տարածաշրջանից ԵՄ քաղաքացիների տարհանման գործողությունների համակարգմամբ:
Բաժանորդագրվեք մեր ալիքին Telegram-ում