Թբիլիսյան և Եղվարդի խճուղիները կմիացվեն Հյուսիս-հարավին` թեթևացնելով Դավթաշենի կամրջի բեռնվածությունը
1 րոպեի ընթերցում
Թբիլիսյան և Եղվարդի խճուղիների նոր ճանապարհահատվածի և երկու կամուրջների կառուցումը ոչ միայն զգալիորեն կթեթևացնի Դավթաշենի կամրջի բեռնվածությունը, այլ նաև կապահովի Մ-4 միջպետական մայրուղու միացումը Հյուսիս-հարավ շրջանցիկ ճանապարհին։
«Արմենպրես»-ի փոխանցմամբ՝ այս մասին հայտարարեց Երևանի քաղաքապետ Տիգրան Ավինյանը՝ ՀՀ ԱԺ մշտական հանձնաժողովների համատեղ նիստում «ՀՀ 2024 թվականի պետական բյուջեի կատարման մասին» տարեկան հաշվետվության նախնական քննարկման ժամանակ։
«Երբ մենք Սևանի մայրուղով՝ Մ-4-ով գալիս ենք և մտնում ենք Թբիլիսյան խճուղի, մեզ ընդամենը մեկ հանգույց է պակասում, որպեսզի մտնենք ամբողջական Հյուսիս-հարավի շրջանցիկ ճանապարհ, և դա հենց Թբիլիսյան խճուղու և Եղվարդի խճուղու միացումն է», – ընդգծեց Ավինյանը։
Նրա խոսքով՝ այս նախագծի իրականացումը էական նշանակություն կունենա հատկապես բեռնատարների համար, և զարմանալի է, որ նախկինում այն չի ներառվել մայրուղային ծրագրերում։