Պուտինն առաջնահերթություն է համարել ուկրաինական ճգնաժամի առանցքային պատճառների վերացումը

Ուկրաինայի իրավիճակի վերաբերյալ ՌԴ դիրքորոշման մեջ գլխավորը ճգնաժամի առանցքային պատճառները վերացնելն է:

Ինչպես հաղորդում է «Արմենպրես»-ը, վկայակոչելով «ՌԻԱ Նովոստին», այս մասին հայտարարել է Ռուսաստանի Դաշնության նախագահ Վլադիմիր Պուտինը:

«Ուզում եմ նշել, որ ընդհանուր առմամբ Ռուսաստանի դիրքորոշումը պարզ է, մեզ համար գլխավորն այս ճգնաժամի առանցքային պատճառները վերացնելն է»,- լրագրողներին ասել է Պուտինը։