Գավառ քաղաքի Հացառատ թաղամասի Կարեյան փողոցի հիմնանորոգման աշխատանքներն ավարտվել են

Գեղարքունիքի մարզի Գավառ քաղաքի Հացառատ թաղամասի Կարեյան փողոցի հիմնանորոգման աշխատանքները, որոնք սկսվել էին 2024 թվականի հոկտեմբերից, ամբողջությամբ ավարտվել են մայիսի երկրորդ կեսի դրությամբ։ 

Ինչպես «Արմենպրես»-ին տեղեկացրին Գավառի համայնքապետարանի աշխատակազմից, Գավառ քաղաքի Հացառատ թաղամասի Կարեյան փողոցը հիմնանորոգվել է   ՀՀ կառավարության կողմից 2024 թվականին իրականացվող սուբվենցիոն ծրագրերի շրջանակներում։ 

 Ծրագրի պայմանագրային արժեքը կազմում է 88 միլիոն 970 հազար դրամ, որի 50 տոկոսը հատկացրել  է ՀՀ կառավարությունը, 50 տոկոսը՝ Գավառի համայնքապետարանը։ Ծրագրի իրականացման արդյունքում  Գավառ քաղաքի Հացառատ թաղամասի Կարեյան փողոցը հիմնանորոգվել է  603 գծամետր երկարությամբ և 3600 քառակուսի մետր մակերեսով, մայթի կառուցմամբ, ջրահեռացման համակարգի տեղադրմամբ։ 

Շինարարական աշխատանքներն իրականացրել է «Գավառի ՃՇՇ» ԲԲԸ-ն։

 Կարեյան փողոցը, թաղամասի բնակիչների վկայությամբ,  1984 թվականից ի վեր հիմնանորոգվում է առաջին անգամ։