Հպարտ եմ, որ Կանադան ճանաչել է Հայոց ցեղասպանությունը. դեսպան Էնդրյու Թըրներ

2 րոպեի ընթերցում

Հայաստանի Հանրապետությունում Կանադայի արտակարգ և լիազոր դեսպան Էնդրյու Թըրների կարծիքով՝ Հայոց ցեղասպանության 110-րդ տարելիցին նվիրված հիշատակման արարողությունն իր մեջ  հզոր ուղերձ է կրում։ Դեսպանը նաև հպարտ է, որ Կանադան Հայոց ցեղասպանությունը ճանաչած պետությունների շարքում է։ 

Հայաստանում Կանադայի արտակարգ և լիազոր դեսպան Էնդրյու Թըրներն այս մասին ասել է «Արմենպրես»-ի թղթակցի հետ զրույցում։ 

«Հայոց ցեղասպանության 110-րդ տարելիցի հիշատակի արարողությունը մեզ բոլորիս հիշեցնում է, որ պետք է ուշադիր լինել պատմության դասերի նկատմամբ և հարգել բոլոր զոհերի հիշատակը։ Կարծում եմ, որ հիշատակի միջոցառումն անհավանականորեն ազդեցիկ է»,-նշել է դեսպանը։ 

Էնդրյու Թըրները նաև նշել է, որ Հայոց ցեղասպանության 110-րդ տարելիցին նվիրված արարողությունը, չնայած որ հասարակ է, այդուհանդերձ, իր մեջ հզոր ուղերձ է պարունակում։

«Շատ հպարտ եմ, որ Կանադան ճանաչել է Հայոց ցեղասպանությունը։ Ես ինքս իմ դիվանագիտական կարիերայի ընթացքում շատ փոքր դերակատարում եմ ունեցել այդ գործում՝ կատարելով հետազոտական աշխատանքներ և մշակելով դրա մասին մեր սենատորներից մեկի ելույթի նախագիծը։ Դա մի բան է, որի համար ես մեծ հպարտություն եմ զգում»,-ընդգծել է Կանադայի դեսպանը։    

Կանադայի Սենատը 2002 թվականի հունիսի 13-ին Հայոց ցեղասպանությունը ճանաչելու մասին բանաձև է ընդունել։ 

Հայերեն English Русский Türkçe

Հայաստանն ու Սողոմոնի Կղզիները դիվանագիտական հարաբերություններ են հաստատել

«Երկրից դեպի Մարս. գիտնականների ներդրումը». գիտահանրամատչելի սեմինար՝ ՀՀ ԳԱԱ-ում

ՀՀ էկոնոմիկայի նախարարը հայկական ալկոհոլային խմիչքների հետ կապված խնդիրները լուծելու համար կայցելի Վրաստան

Հայաստանի հետ հարաբերությունները խորանում են աննախադեպ տեմպերով. ԵՄ արտաքին կապերի ծառայություն

Զելենսկին Ստամբուլ մեկնած ՌԴ պատվիրակությունն անվանել է «բուտաֆորիա»

Էկոնոմիկայի նախարարությունը կարկտի հասցրած վնասների գույքագրումից հետո որոշումներ կկայացնի աջակցության վերաբերյալ

Յուրաքանչյուր տարի միջինում 3000 երեխա առաջին դասարան չի գնում՝ դուրս մնալով դպրոցական կրթությունից

ՀՀ-ն ծավալուն աշխատանքներ է իրականացրել կենսաբազմազանության պահպանման ոլորտում և ունի մեծ ներուժ. COP-17-ին ընդառաջ՝ Երևանում կայացավ համաժողով

Փեզեշքիանը Թրամփին անվանել է «միամիտ»՝ դատապարտելով նրա մեղադրանքները Թեհրանի հասցեին

Քաղաքացիները սեպտեմբերի 1-ից վարորդական վկայականի քննությունները կկարողանան վերահանձնել նաև բացասական գնահատական ստանալու հաջորդ օրը