Չինաստանը Կորեային հորդորել է չարտահանել հազվագյուտ տարրեր ԱՄՆ պաշտպանական ոլորտին

Չինաստանի առևտրի նախարարությունը վերջերս Հարավային Կորեայի մի շարք ընկերությունների է ուղարկել հաղորդագրություններ՝ հորդորելով չարտահանել ապրանքներ, որոնք պարունակում են չինական ծագման հազվագյուտ հողային տարրեր, ԱՄՆ պաշտպանության ոլորտի ընկերություններին։ Ինչպես տեղեկացնում է «Արմենպրես»-ը, վկայակոչելով Reuters-ը, այս մասին գրում է Korea Economic Daily թերթը՝ հղում անելով պետական և ընկերությունների աղբյուրներին։

Ըստ հրապարակման՝ նամակները ստացվել են այն կորեական ընկերություններից, որոնք արտադրում են էլեկտրաէներգիայի փոխակերպիչ սարքեր, մարտկոցներ, դիսփլեյներ, էլեկտրական մեքենաներ, ինչպես նաև օդատիեզերական և բժշկական սարքավորումներ։ Այս բոլոր արտադրատեսակներում օգտագործվում են Չինաստանից ներմուծվող ռազմավարական հումք։

Հաղորդագրություններում նշվում է, որ եթե կորեական ընկերությունները խախտեն արտահանման սահմանափակումները, ապա կարող են ենթարկվել պատժամիջոցների։

Հարավային Կորեայի արդյունաբերության նախարարությունը դեռևս չի մեկնաբանել հրապարակումը։ Պաշտոնական արձագանք չի եղել նաև չինական կողմից։