1 րոպեի ընթերցում
Անկախ պետությունների համագործակցության (ԱՊՀ) արտաքին գործերի նախարարների խորհրդի հաջորդ նիստը տեղի կունենա հոկտեմբերի 9-ին՝ Դուշանբեում։
«Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ վկայակոչելով ԱՊՀ գլխավոր քարտուղար Սերգեյ Լեբեդևի հայտարարությունն՝ արված Ալմաթիում անցկացվող ԱՊՀ արտաքին գործերի նախարարների խորհրդի ընդլայնված նիստում։
«Ընդունվել է որոշում Արտաքին գործերի նախարարների խորհրդի հերթական նիստը 2025թ. հոկտեմբերի 9-ին Դուշանբեում անցկացնելու մասին»,- ասել է Լեբեդևը։
Ավելի վաղ հաղորդվել էր, որ ԱՊՀ արտաքին գործերի նախարարների խորհուրդը նիստ է անցկացրել նեղ կազմով։ Ավելի ուշ սկսվել է հանդիպումն ընդլայնված կազմով։ Հայաստանը նիստում ներկայացնում է փոխարտգործնախարար Մնացական Սաֆարյանը, քանի որ Հայաստանի արտաքին գործերի նախարար Արարատ Միրզոյանն այս օրերին Թուրքիայում է՝ մասնակցելու Անթալիայի դիվանագիտական ֆորումին։
