Հայաստանի և Թուրքիայի փոխարտգործնախարարները քննարկել են հարաբերությունների կարգավորման գործընթացը

Հայաստանի արտաքին գործերի նախարարի տեղակալ Վահան Կոստանյանը հանդիպել է Թուրքիայի արտաքին գործերի նախարարի տեղակալ Այշե Բերիս Էքինջիի հետ։ «Արմենպրես»-ի հաղորդմամբ՝ այս մասին նա հայտնել է  X-ի իր միկրոբլոգում։

Important discussion with Deputy Minister Ekinci to advance normalization between #Armenia & #Türkiye and identify new fields of possible cooperation. Also exchanged views on regional and international issues. pic.twitter.com/21Y2JbDeyX

— Vahan Kostanyan (@VahanKostanyan) April 10, 2025

Քննարկման ընթացքում անդրադարձ է եղել Հայաստանի և Թուրքիայի միջև հարաբերությունների կարգավորմանը, ինչպես նաև հնարավոր համագործակցության նոր ուղղություններին։

«Կարևոր քննարկում փոխնախարար Էքինջիի հետ՝ Հայաստանի և Թուրքիայի միջև հարաբերությունների կարգավորման և հնարավոր համագործակցության նոր ոլորտներ բացահայտելու համար։ Մտքեր փոխանակվեցին նաև տարածաշրջանային և միջազգային հարցերի շուրջ»,– գրել է Կոստանյանը։