391.22
Գերմանիայի ԱԳ նախարար Բերբոքը չհայտարարված այցով ժամանել է Կիև
1 րոպեի ընթերցում
Գերմանիայի արտաքին գործերի նախարար Անալենա Բերբոքը չհայտարարված այցով ժամանել է Կիև, որպեսզի աջակցություն հայտնի Ուկրաինային: «Արմենպրես»-ի փոխանցմամբ՝ այս մասին հայտարարություն է տարածել Գերմանիայի արտգործնախարարությունը։
«Հաշվի առնելով ԱՄՆ-ի և Ռուսաստանի միջև առկա փակուղային իրադրությունը, չափազանց կարևոր է, որ մենք՝ եվրոպացիներս, ցույց տանք, որ անվերապահորեն կանգնած ենք Ուկրաինայի կողքին և նրան աջակցում ենք հատկապես հիմա: Ուստի ես այսօր ժամանել եմ Ուկրաինա», - նշված է Բերբոքի անունից տարածված հայտարարության մեջ։
Ըստ Բերբոքի՝ Գերմանիայի հաջորդ կառավարությունը նույնպես կշարունակի աջակցել Ուկրաինային։
«Այսօր մենք Ուկրաինային տրամադրում ենք ևս 130 միլիոն եվրոյի մարդասիրական օգնություն և միջոցներ կայունացման համար», - հավելել է նա։
Ըստ DPA գործակալության՝ Բերբոքի այցի մասին նախապես չի հայտարարվել՝ անվտանգության նկատառումներից ելնելով։
Բաժանորդագրվեք մեր ալիքին Telegram-ում