ՀՀ դեսպանն ու Ուրուգվայի Ներկայացուցիչների պալատի նախագահը քննարկել են երկկողմ հարաբերությունների օրակարգին առնչվող հարցեր
1 րոպեի ընթերցում
Ուրուգվայում Հայաստանի Հանրապետության դեսպան Մարիամ Գևորգյանը մարտի 25-ին հանդիպում է ունեցել Ուրուգվայի Ներկայացուցիչների պալատի նախագահ Սեբաստիան Վալդոմիրի հետ։
«Արմենպրես»-ի հաղորդմամբ՝ այս մասին նշված է Ուրուգվայում Հայաստանի Հանրապետության դեսպանության տարածած հաղորդագրության մեջ։
«Հանդիպման շրջանակներում քննարկվել են երկկողմ հարաբերությունների օրակարգին առնչվող մի շարք հարցեր, այդ թվում՝ միջխորհրդարանական կապերի ամրապնդման հնարավորությունները»,-ասված է դեսպանության տարածած հաղորդագրության մեջ:
Նշվում է, որ հանդիպման ընթացքում ՀՀ դեսպանը ներկայացրել է նաև Հայաստանի և Ադրբեջանի միջև խաղաղության գործընթացի վերջին զարգացումները: