2 րոպեի ընթերցում
Սերբիայում բողոքի ցույցերը, ԱԱԾ-ի դեմ պատժամիջոցների սահմանումը, Կոսովոյում բարդ իրավիճակը և Սերբական Բոսնիա-Հերցեգովինայի նախագահ Միլորադ Դոդիկի դատավարությունը տեղի են ունենում միաժամանակ, ինչը վկայում է այն մասին, որ այդ ամենը համակարգվում է մեկ կենտրոնից՝ Սերբիան կործանելու նպատակով։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին ասել է Սերբիայի փոխվարչապետ Ալեքսանդր Վուլինը։
Փետրվարի 26-ին Սարաևոյում Բոսնիա և Հերցեգովինայի դատարանը մեղավոր է ճանաչել նախագահ Միլորադ Դոդիկին` ՄԱԿ-ի ներկայացուցիչ Քրիստիան Շմիդտի որոշումները չկատարելու համար և հեռակա դատապարտել նրան մեկ տարվա ազատազրկման։
Մարտի 12-ին Բոսնիա և Հերցեգովինայի դատախազությունը Հետաքննության և պաշտպանության գործակալությանը կարգադրել էր կալանավորել Դոդիկին, ինչպես նաև վարչապետ Ռադովան Վիսկովիչին և Խորհրդարանի նախագահ Նենադ Ստևանդիչին։
«Այն, ինչ տեղի է ունենում մեր տարածաշրջանում, արդյունք է մեկ կենտրոնի աշխատանքի և նպատակ ունի կործանել Սերբիան: Եթե սերբական քաղաքների փողոցներում անկարգություններ լինեն, երկիրը չի կարողանա օգնել նախագահ Դոդիկին և պաշտպանել Սրբական Բեսնիա-Հերցեգովինայի հանրապետությանը: Սա հարձակում է բոլոր սերբերի վրա՝ անկախ նրանից, թե որտեղ են նրանք ապրում»,- ասել է Վուլինը:
